༄ སྟོན་པ་ཤཱཀྱ་ཐུབ་པའི་མཚན་སྔགས། ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས།། གཞན་གྱིས་མི་ཐུབ་བདུད་ཀྱི་དཔུང་འཇོམས་པ།། གསེར་གྱི་ལྷུན་པོ་ལྟ་བུར་བརྗིད་པའི་སྐུ།། ཤཱཀྱའི་རྒྱལ་པོ་ཁྱོད་ལ་ཕྱག་འཚལ་ལོ།། ཨོཾ་མུནེ་མུནེ་མཧཱ་མུནཡེ་སྭཱཧཱ། ཨོཾ་མུནེ་མུནེ་མཧཱ་མུནཡེ་སྭཱཧཱ། སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང་།། བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ།། པད་དཀར་ལྟར་བསྔགས་མཚན་ཐོས་ཕྱིར་མི་ལྡོག། སྟོན་པ་ཐུགས་རྗེ་ཅན་ལ་ཕྱག་འཚལ་ལོ།། ཨོཾ་མུནེ་མུནེ་མཧཱ་མུནཡེ་སྭཱཧཱ། ཨོཾ་མུནེ་མུནེ་མཧཱ་མུནཡེ་སྭཱཧཱ། གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ།། ས་ཆེན་འདི་ལ་གོམ་པ་བདུན་བོར་ནས།། ང་ནི་འཇིག་རྟེན་འདི་ན་མཆོག་ཅེས་གསུངས།། དེ་ཚེ་མཁས་པ་ཁྱོད་ལ་ཕྱག་འཚལ་ལོ།། ཨོཾ་མུནེ་མུནེ་མཧཱ་མུནཡེ་སྭཱཧཱ། ཨོཾ་མུནེ་མུནེ་མཧཱ་མུནཡེ་སྭཱཧཱ། ཁྱེད་ལ་བསྟོད་ཅིང་གསོལ་བ་བཏབ་པའི་མཐུས།། བདག་སོགས་གང་དུ་གནས་པའི་ས་ཕྱོགས་སུ།། ནད་གདོན་དབུལ་ཕོངས་འཐབ་རྩོད་ཞི་བ་དང་།། ཆོས་དང་བཀྲ་ཤིས་འཕེལ་བར་མཛད་དུ་གསོལ།།
|
