广东话独幕剧  《咸湿佬遇着八卦婆》

时间：公元二千一十二年五月九日上午九时许

地点：加拿大畢烈巅哥伦比亚省温哥华市奇蓝尼游泳场的 Whirlpool

人物：肥师奶甲（以下简称甲）与瘦姑娘乙（以下简称乙）

甲：嗨，秀秀（瘦瘦）！

乙：嗨，菲菲（肥肥），冇见一排，几好吗？

甲：唉，好乜吖，又系咁。参加社区成人电脑班学上网，唵晻学完兹嘛。

乙：哇，咁犀利呀！

甲：得闲上网，睇吓新闻，听吓歌，睇吓戏，都几好架。

乙：喂，听讲呢排大陆爆出好多单劲嘢。呢，乜嘢王立军完咗又薄希来同埋佢嘅 老婆， 宜家又多咗个盲眼仔叫乜嘢尘降城出来。

甲：哎呀，讲起呢个盲眼仔尘降城就核突啦，匿入人哋嘅大屎馆，重未知嚸下落，就挂住沟女。你知啦，人哋米国嘅乜嘢国务卿叫欺拉你，毕喽够晒八嘅啦，呢个盲眼仔自己有老婆仔女，人哋又有老公，佢居然够胆打电话比人，佢话：“I  want  to kiss you! ”重话要跟埋呢个八婆架飞机返米国。唉，正所谓“穷心未泯，色心又起”！该煨囉，咁自己老婆仔女嚸呀？

乙：咁你又唔好咁讲，人哋外国男女间舓啖好闲嗟，社交礼仪吖嘛。兹不过，你盲眼仔又唔系响外国，自己都系响穷乡下出来嘅，咁快就学咗人哋啲鬼佬嘢！

甲：咁唔喺！三唔识七，咩咁亲热呀！呢个欺拉你够晒衰格啦，自己个老公常日搞搞震，自己睇唔紧，就喺识得诸事八卦，人哋响屋企教仔女，关你屁事咩，喺都要噏三噏四。你睇，今次引得人哋盲眼仔心思思。佢叫自己啲马仔将呢个傻佬又扶又拉，卒之赶咗出来，然后自己又走咗去。

乙：盲眼仔今次够晒惨啰。佢唔好彩，或者唔啱时机啦，米国佬常日都帮一啲乜嘢乜嘢人士飞咗去米国啦。

甲：其实大陆亦都唔志在啦，呢啲人走晒重好，唔使常日响道搞搞震，佢米国帮自己养晒呢班人重好。噢，唔同你讲咁多啰。等阵返去再睇吓有乜新嘢。

（以上是现场即时实录,绝非虚构，并无误导成份，看官自行研判。）