本期粵語字詞擷趣講的是動詞

第一個字 搣，可以解作 剝 ，掰開；用拇指及食指做力扭人面或者其他部位都可以叫 搣，這樣的舉動通常被視為親匿。通過以下例句就可以分得很清楚這個字在句子中的含意。

口乾乾，搣個柑食下先。

媚娘喺佢手臂搣咗一下話：“衰鬼，咪咁多口啦。”

第二個字是 摙， 指搬動物件。如

佢一日到黑將嗰幾盆花摙過來摙過去。

第三個字是 綳  指用力張開及固定

個鼓用咗咁耐，把聲唔得實淨，要攞去俾人綳過先得。

掹  這個字的發音同上一個字差不多，是 拉扯 的意思

霞女唔捨得個老母走，系咁掹住佢件衫尾，卒之掹甩咗粒衫鈕。

擁 這個字的文讀音 涌，如 擁護、擁戴、擁抱 

作為粵語動詞 推倒 來用的時候就要讀 瓮 的陰上聲，與數字 九同調

佢發起火嚟，一手擁跌咗成排花架。

當我們形容使用鞭、杖或竹板之類物件抽打嘅時候，會用到 礊 這個字，它與 抶 這個字一樣都解作 笞擊 

得知個仔做出啲咁嘅行為，佢粒聲唔出，攞起藤條兜頭礊落去。

同樣是抽打，廣府人還有一種講法，就是 箾 啦。

箾 指用數根細長物抽打 譬如竹枝、筷子

衡仔夾餸嘅時候“飛象過河”，佢老竇即時使筷子箾佢個頭。

餐桌上的禮儀，夾菜的時候要就近夾自己面前的菜餚，將筷子跨越菜碟，夾碟子對面的菜就叫做“飛象過河”，是失禮的行為。

不知道為什麼，有人很喜歡打別人的頭作為懲戒。講到“打頭”，廣府人對這個動作有好幾種講法，|敲 屬於文讀音，白讀就分別有 

搉、㩧、摼 這幾個講法。試舉幾個例子，比較一下其間的分別，不是說一定要這樣用，提供參考印證罷了。

粵語歌詞：酒杯敲你個頭，你阿媽話痛......

阿權揸實拳頭，凸出中指指節，搉咗孱仔強個頭幾嘢。

聽講嗰度唔系咁太平，好多㩧頭黨噃。

舊時有啲乞兒，專喺啲商鋪門口，用磚摼自己個頭，摼到血流流。

至於以下這張圖，就是另外一句俗語： 磕頭埋牆。

通常這樣做都是因為有所後悔或者不甘心。

最後講兩個同丟棄有關的動詞

一個是 揈 ，另一個是  扔     

揈 可以讀  或者 ,

扔 就讀 

譬如 ：佢一下子，將個爛包裹 揈 到有咁遠得咁遠。

好啦，今期就先講這些，下期再會。