本期的開頭曲是不是很熟悉呀？沒錯，就是來自卡通片《一休小和尚》的粵語版，本期的粵語字詞擷趣要講的第一個粵語詞就是 巴閉 。

巴閉 這個詞有貶義和褒義兩種用法。褒義呢就表示厲害、威水，例句如下：

佢真系巴閉啦，一個打七個，打到班爛仔冇鞋挽屐走。

哇！呢只股票連升十個交易日，真巴閉！

至於貶義則是指過猶不及、囂張，再看例句：

家陣都冇事咯，使乜講到咁巴閉啊？

佢以為自己好巴閉，喺條街度打橫行都得，卒之衰收尾。

接下來這個詞 吧喳 詞意同巴閉接近，但有多少分別，可以指好出注意，好包攬事務。譬如：

佢好吧喳嘎，乜都想話事，乜都想插手。

又可以用來形容做事潑辣、有魄力的女性，譬如：

嗰個正一系吧喳妹，做嘢爽手麻利，絕冇拖泥帶水。

凡事好插手，發展到干涉他人的程度，就要用到另外一個詞 霸枒 啦

例句：呢啲純粹系佢自己嘅事，你使乜咁霸枒 ，系都要代佢揸主意啫。

我覺得凡是有個霸字的詞，自然令人感受到力量同氣勢，譬如 

霸家柵 、霸蔸雞 、霸巷雞乸、謑謑霸霸

霸家柵 這個詞形容占有欲很強，多數用來形容細路仔。

個細路好霸家柵嘎，佢啲嘢外人掂下都唔得。

霸蔸雞 ：有些雞吃食的時候，霸着飼料盤，引申爲霸道之人

霸巷雞乸： 一般指惡婦       有些人會講     霸王雞乸

說人霸道還有一個詞 謑謑霸霸 多數人會寫成 蝦蝦霸霸

謑這個字，【廣韻】呼訝切【集韻】【韻會】虛訝切，音罅。怒言也。

《廣州方言詞典》有 “謑”、“謑霸”同“謑人謑物”詞條，分別解釋如下：

謑：欺負 大謑細  

謑霸：欺負 佢好謑霸人嘎

謑人謑物：欺人太甚 佢好謑人謑物嘅，唔好理佢。

跟着講幾個如今比較少人用的粵語詞，一個是 筢撓 

筢撓 現在還有人用，不過就簡稱為 耙

痲經 : 比較粗，纏繞得不太緊密的雙股麻繩

麻鬣 ：這個詞就更少人用啦，其實是一種食物，詞典這樣解釋“婚禮上所用的油炸饊子，兩端相連，上有芝麻”，聽起來好好像如今叫“蛋散”那樣物事。

好啦，本期就先說到這裡。