阿文同阿樂，二叔仲有阿嫦講聲拜拜之後，就行過咗對面街。佢望見前面有一個熟悉嘅身影，連除加快腳步追上去。行埋一睇，正係蘇師奶。阿文打咗個招呼：“姑姐！”
蘇師奶擰返頭一望：“哦！係阿文。放工啦？”
阿文話：“係呀，放咗工一陣咯，正話同街坊傾咗幾句。”
阿文見姑姐面帶愁容，兼且眼溼溼咁，忍唔住問咗句：“姑姐妳見點呀？”
蘇師奶下意識咁用手巾仔輕輕揩咗下眼角話：“冇嘢，怕係有塵入咗眼啩。”
阿文覺得蘇師奶唔想講，就轉口問：“姑姐，係唔係返屋企呀？”
蘇師奶遲疑咗一下：“ 哦，未返住，我要去買啲嘢，行呢邊。”講完就向右轉過另一條街。
阿文就話：“咁好啦，一陣間見。”
望住蘇師奶纖瘦嘅背影，阿文腦海裡面快速回放一段段往事，令到佢嘅雙眼漸漸都溼溼哋。

由於蘇師奶契咗阿嫲，阿文無端端多咗個姑姐。一起首，阿文都唔識得點樣同呢位姑姐相處。尤其係“姑姐”硬係用一種充滿憐愛嘅目光望實佢，搞到佢周身唔自然。後來由超老闆同其他街坊口中聽得佢哋談論蘇師奶，呢位姑姐嘅形象至漸漸豐滿起來。呢幾年，佢親眼見到蘇師奶嘅所作所為更加令到佢對呢位姑姐心懷敬佩之情。蘇師奶心地純良，憐貧恤孤。但凡有慈善籌款嘅活動，佢都不甘後人，樂善好施。除咗將自己嘅刺繡品拎出來義賣之外，佢仲經常捐出善款，幫助有需要嘅人群同機構。

至於阿文同嫲嫲，受到蘇師奶嘅照顧同幫助更係數之不盡。媽媽過身嘅時候阿文仲好細，加上長期同阿嫲一起住，故此對媽媽冇乜太多記憶。反而係阿嫲久唔久會將阿文攬埋身跟，用手摸住佢個頭話：“真係天冇眼啦，文仔咁細個就冇咗媽媽！”阿文有時會咁樣應個阿嫲：“唔怕！我有嫲嫲！”聽得阿文咁樣講，阿嫲對手更加肉緊咁將阿文攬到實一實。

爸爸嘅死訊對嫲嫲係一個沉重嘅打擊。嫲嫲三日三夜冇食過一粒米，一味不停咁喊。阿文當時返緊學，向學校請咗一個禮拜假喺屋企陪阿嫲。舅公同埋啲街坊鄰里都嚟到屋企幫手，幾經艱難至勸掂阿嫲。過後嫲嫲對啲街坊話，當其時佢真係宜得死咗仲好過，只不過唔捨得留低文仔孤苦伶仃，咁至監硬撐住。阿文知道，嫲嫲心裏面嘅傷痛並冇平復，只不過係強自壓抑咁啫。不過，嫲嫲儘量唔會喺阿文面前流露呢種哀傷嘅情緒。夜晚祖孫倆個喺屋企，嫲嫲有時會停低手頭做緊嘅工夫，出神咁望住阿生嘅遺像。但係只要感覺到阿文對眼望過嚟，嫲嫲就會對住阿文微微一笑，將目光移開，繼續做佢手頭嘅工夫。

蘇師奶認咗嫲嫲做契媽，嫲嫲身邊多咗個可以依傍嘅知心人。姑姐三頭兩日過來陪亞嫲，次次嚟嘅時候都會帶啲生果或者小點心。嗰段時間，嫲嫲都仲有接啲外發工嚟做，姑姐就陪住阿嫲一頭傾偈一頭做嘢。尾後姑姐話阿嫲年紀大啦，呢啲咁嘅工夫瑣瑣碎碎太過傷神，勸阿嫲唔好再做。其實嫲嫲自己亦都感覺有啲力不從心，只不過有呢個契女幫手先至能夠如期交貨，所以就唔再接外發嚟做。

呢段期間，蘇師奶一家亦都發生咗一啲變化。首先係佢個老竇因病去世，跟住佢阿哥同阿嫂離咗婚。前幾年，蘇師奶個老竇身體唔好，佢阿哥接手老竇嘅生意，繼續走東南亞條水。長年香港，南洋兩頭飛。聽講佢阿哥識咗個馬六甲嘅女仔，係佢一個客戶嘅女嚟，逗留香港嘅時間越來越少，導致阿哥阿嫂離婚收場。哥哥卒之同咗嗰個馬六甲女子結婚，頭家就安咗喺馬六甲。蘇師奶個媽媽稟承舊習俗跟個仔搬咗過馬六甲。蘇師奶喺香港就成咗“孤家寡人”，蘇師奶嗰幢四層嘅唐樓一下子顯得空蕩蕩。雖然三樓，四樓租咗出去，畢竟係租客，點都冇屋企人同住嗰種溫馨。蘇師奶就請契媽同阿文搬嚟同佢一齊住。阿文個嫲嫲眷戀舊居，唔係咁想搬，蘇師奶就日日嚟相請，終於請到契媽應承搬屋為止。住開嗰間舊屋點樣處置呢？蘇師奶建議唔好賣，租出去。一來有啲收入，二來阿文生性獨立，以後成家立室未必中意喺佢呢度住，咁樣就有一處退路。嫲嫲覺得呢個契女諗得好周到，就一一照辦。阿文一向尊重嫲嫲，自然唔會反對。揀咗個吉日，阿文就陪住阿嫲搬咗入姑姐間屋。蘇師奶將契媽間房儘量布置到同舊屋一樣，等契媽樣樣就手，一啲唔習慣都冇。姑姐又請阿文幫佢打理座唐樓嘅租務，維修，仲話要計返報酬俾阿文。阿文對姑姐表示，自己好樂意為姑姐打點日常事務，報酬兩個字就千祈唔好再提。蘇師奶知道阿文嘅性格，就冇再提呢件事，只不過暗暗為阿文準備咗一封“大利是”，作為第日佢結婚嘅賀禮。

蘇師奶幢四層唐樓，三，四樓出租，底層同埋二樓自用。蘇師奶，阿文同嫲嫲都住喺二樓。樓下有一個大廳，有兩間房同埋個天井。自從阿文倆婆孫搬咗入嚟住，呢度就熱鬧咗好多。阿文個舅公周不時嚟探望阿文個嫲嫲，蘇師奶經常就喺側跟服侍。當時舅公已經唔再經營戲班，不過周時同戲行中人小聚，操琴打曲。蘇師奶知道契媽鍾意聽粵曲，自己亦係自細就對粵曲感興趣，有一次閒談嘅時候就請舅公將佢哋聚會嘅地點改喺佢屋企。舅公即時企起身作個揖，撚起把聲，學足老生嘅腔口講咗句“固所願也，不敢請耳”，引得一屋笑聲。講起蘇師奶呢度嘅環境又確實幾吸引人嘅。大廳嘅隔扇打開嚟，面對住天井四圍嘅花花草草，真係心懭神怡。由於唔係向正大街，喧鬧嘅街聲就顯得遙遠微弱，自成一個恬雅嘅角落。從此蘇師奶呢度就成為舅公同佢啲曲友“打躉”嘅所在啦。

阿文除咗學寫粵曲，佢都鍾意玩下樂器。佢比較鍾意管樂器，不過就唔係中國嘅蕭笙管笛，佢鍾意俗稱“黑管”嘅單簧管。當年佢個老竇阿生有時帶佢去舅公嘅劇團度玩。佢精乖伶俐，把口又甜，逢人就叔叔阿姨，哥哥姐姐係咁嗌，啲大人都好惜佢。過得一排，劇團裡面各種中樂器佢都識得七七八八。有一勻，佢見一位樂師休息嘅時候拎出一支黑掹掹嘅管來吹，音色同佢聽過嘅所有中國樂器都唔同。佢就問個叔叔係乜嘢樂器？叔叔話佢知，嗰支嘢叫做“黑管”，係西人嘅樂器。佢就問粵曲里頭用唔用得到？叔叔話都有用，不過用得相對要少啲。叔叔有心演嘢，為阿文演奏咗幾段樂曲。“黑管”嘅高音清晰明亮，低音又渾圓豐滿，令阿文深深着迷，就同老竇提出嚟要學吹“黑管”。父親話佢年紀仲細，要學吹單簧管會有啲困難，就買咗一支“牧童笛”俾佢作為學習西洋管樂器嘅入門。阿文好俾心機學，好快就掌握咗吹奏牧童笛嘅技巧，悠揚嘅笛聲經常由阿文屋企飄送到隔離鄰舍。

阿文十三歲嗰年，佢老竇出海返嚟帶咗一支單簧管俾阿文作為佢嘅生日禮物，而且托舅公為佢搵咗一位老師。經過幾年嘅學習，阿文已經能夠加入到舅公嗰一幫戲行前輩之中，同佢哋一齊玩音樂。舅公呢一個班底嘅“根據地”轉移到姑姐屋企之後，阿文就主動承擔起準備茶水，執拾場地嘅工作。班前輩喺呢個舒適嘅環境裡面，吹，拉，彈，唱，使出渾身解數，將佢哋各自嘅長處發揮得淋漓盡致，阿文由佢哋身上學咗唔少粵曲演奏同埋演唱嘅寶貴經驗。阿文嘅嫲嫲同姑姐有時會落樓欣賞佢哋嘅演奏。有時阿嫲陪住姑姐喺二樓繡花，一陣陣忽遠忽近嘅音樂聲就作為背景音樂。阿文個嫲嫲有咗好很明顯嘅改變，面上經常流露出滿足自在嘅神情。街坊鄰里都話嫲嫲返老還童，越嚟越後生。阿文知道，呢啲都係姑姐嘅功勞。

路邊忽然傳來一陣柔美嘅國語女聲合唱：莎莉南蒂，親愛的姑娘，妳為什麼兩眼淚汪汪？親愛的爸爸，親愛的媽媽，是那灰塵吹進了我的眼......

阿文諗：灰塵吹入眼，真係一個好普遍嘅藉口。只不過唔知姑姐遇到乜嘢事。
呢個時候，經營一間電器維修店嘅“印尼仔”向阿文打咗個招呼。阿文應咗佢就繼續向前行。歌聲就係由“印尼仔”間鋪頭傳出來。“印尼仔”唔係印尼人，佢係印尼華僑。當年佢嘅父母受到祖國嘅感召，將佢送返祖國讀書，點知前年佢同表哥一齊偷渡嚟咗香港。原本佢諗住通過香港作為跳板返番印尼嘅，估唔到印尼對於佢哋呢啲曾經離開印尼返大陸嘅人深懷戒懼，連探親旅遊嘅申請都唔批，返屋企團聚就更加冇得傾。佢同表哥就咁滯留咗喺香港。好彩屋企經濟情況都幾好，“印尼仔”又有電器維修嘅技術同興趣，就用屋企寄嚟嘅錢租咗一間屋，前鋪後居。佢同表哥住後疊，門面就接啲安裝，維修電器嘅工夫嚟做。“印尼仔”做嘢嘅時候經常播放一啲印尼歌曲，得閒又會坐喺鋪頭門口，拎住把吉他自彈自唱。啲街坊由此接觸咗唔少印尼民歌。乜嘢“星星索”，“梭羅河”，“划船歌”，“哎喲媽媽”等等等等，街上班後生同細路個個都哼得幾嘴。

官話版

阿文與阿樂，二叔以及阿嫦道別，越過街道。他看到前面一個熟悉的身影，連忙加快腳步追上去。走到近前，正是蘇師奶。阿文打了個招呼：“姑姑！”
蘇師奶回頭一看，說：“哦！是阿文。放工啦？”
阿文說：“是的，放工一會了，剛才跟街坊聊了一陣子。”
看到姑姑神情戚戚，臉上隱隱約約還有些淚痕，阿文忍不住問道：“怎麼了，姑姑？”
蘇師奶下意識地拿手絹輕輕揩了一下眼角說：“沒什麼，也許是沙子迷了眼。”
阿文感到蘇師奶不想說，就轉了話題：“姑姑，這就回家嗎？”
蘇師奶遲疑了一下說：“ 啊，先不回，我要去買點東西，走這邊。”說完就向右拐到另一條街上。
阿文說：“那好吧，一會見。”
看着蘇師奶纖瘦的背影，腦海里快速回放一段段往事，使他的雙眼漸漸蘊聚了淚水。

因為蘇師奶與祖母結了乾親的緣故，阿文憑空多了一個姑姑。剛開始，阿文不知道如何與這位姑姑相處，尤其使他感到拘束的是“姑姑”總是用一種充滿憐愛的目光來看他。後來從超老闆和其他街坊口中聽得他們談論蘇師奶，這位姑姑的形象才漸漸豐滿起來。這些年，他親眼見到蘇師奶的所作所為更使他對這位姑姑心懷敬佩之情。蘇師奶心地純良，憐貧恤孤，但凡有慈善籌款的活動，她都不甘後人，樂善好施。除了把自己的刺繡品拿出來義賣之外，她還經常捐出善款，幫助有需要的人群和機構。

至於阿文和祖母，受到蘇師奶的照顧和幫助更是數不勝數。媽媽去世的時候阿文還很小，加上長期和奶奶一起生活，對媽媽並沒有太大的眷戀。倒是祖母不時將阿文攬在懷中，用手摸着他的頭說：“可憐的孩子，這麼小就沒了媽媽！”阿文有時會這樣回答奶奶：“不怕！我有奶奶！”聽得阿文這樣說，奶奶的雙手更使勁地摟住阿文小小的身軀。

爸爸的死訊對奶奶是一個沉重的打擊。奶奶三天三夜粒米不進，只是不停地啜泣。阿文當時還在上學，向學校請了一周的假在家裡陪奶奶。舅公以及街坊鄰里都到家裡來幫忙，好不容易才把奶奶勸住。過後奶奶對街坊說，當時她連死的心都有了，只是捨不得留下阿文孤苦伶仃才硬撐了下來。阿文知道，奶奶心裡的傷痛並沒有平復，只不過是強自壓抑罷了。不過，奶奶儘量不在阿文面前流露這種情緒。晚上祖孫倆在家裡，奶奶有時會停下手中的活計，出神地望着阿生的遺像。只要感覺到阿文的目光，奶奶就會對着阿文淡淡一笑，把眼光移開，繼續手中的工作。

蘇師奶與祖母結了乾親，祖母身邊多了一個貼心的人。姑姑三天兩頭過來陪奶奶，每次來的時候都會帶些水果或者小點心。那段時間，奶奶還有接一些外發的工作，姑姑就陪着奶奶邊聊天邊幹活。後來姑姑說奶奶年紀大了，這些活計細細碎碎太傷神，勸奶奶不要再做。其實奶奶自己也感覺有些力不從心，只不過有這乾女兒的幫忙才能如期交貨，所以就把這活給停了。

這段期間，蘇師奶一家也發生了一些變化。首先是她的父親因病去世，哥哥和嫂嫂離了婚。前些年，蘇師奶的父親身體不好，哥哥接了父親的班繼續經營和東南亞方面的買賣，常年香港，南洋兩頭飛。據說哥哥結識了馬六甲一個客戶的女兒，逗留香港的時間越來越少，導致哥嫂離婚收場。哥哥後來和那位馬六甲女子結婚，把家安在馬六甲。蘇師奶的母親稟承舊俗，搬到馬六甲與兒子同住。蘇師奶在香港就成了“孤家寡人”，蘇師奶那幢四層的樓房一下子顯得空蕩蕩。雖然三樓，四樓租了出去，畢竟只是租戶，沒有與家人同住的那種溫馨。蘇師奶就邀請乾媽和阿文搬來和她同住。阿文的奶奶眷戀舊居，並不想搬，經不住蘇師奶軟磨硬泡，終於答應搬家。舊居怎麼辦呢？蘇師奶建議不要賣，租出去。一來能有些收入，二來阿文生性獨立，以後成家未必還願意在她這裡住，這樣就留有一處退路。奶奶覺得這個乾女兒想得很周到，就一一照辦。阿文一向尊重奶奶，自然不會反對。挑了一個吉日，阿文就陪着奶奶住到了姑姑的家裡。蘇師奶把乾媽的房間儘量布置得跟舊居一樣，讓乾媽沒有絲毫不習慣。姑姑又請阿文幫她管理房子的租務，維修，並要給他一定的報酬。阿文對姑姑表示，她非常樂意為姑姑承擔一點日常事務，報酬卻萬萬不敢收。蘇師奶知道阿文的性格，報酬的話也就不再提起，只不過暗暗為阿文準備了一封“大利是”，作為他結婚的賀禮。

蘇師奶那幢四層唐樓，三，四樓出租，底層和二樓自用。蘇師奶，阿文和奶奶都住在二樓。底層有一個大廳，還有兩個小房間外帶天井。自從阿文祖孫倆搬了進來住，這幢小樓就熱鬧了起來。阿文的舅公不時來探望阿文的祖母，蘇師奶經常陪侍一旁。當時舅公已經不再經營戲班，但還常常與戲行中人小聚，操琴弄曲。蘇師奶知道乾媽喜歡粵曲，自己也是打小就對粵曲感興趣，有一次閒談間便請舅公把他們的聚會地點設在她家。舅公馬上站了起來,作了一個揖,用老生的腔調掉了一句文“固所願也，不敢請耳”，引來滿屋笑聲。要說蘇師奶這裡的環境確實吸引人。大廳的隔扇打開來，面對着天井四周的花花草草，令人心曠神怡.由於並不挨着大街,喧鬧的街聲也顯得遙遠微弱，自成一個恬雅的角落。從此蘇師奶這裡就成了舅公和他的曲友們“打躉”的所在。

阿文除了學寫粵曲，還喜歡樂器。他比較喜歡管樂器，卻不是中國的蕭笙管笛，他喜歡的是俗稱“黑管”的單簧管。當年他的父親阿生有時帶他到舅公的劇團去玩。他聰明活潑，小嘴巴又甜，見人就叔叔阿姨，哥哥姐姐的一通叫，大家都很喜歡他。時間長了，劇團里的各種中樂器他都認識了個八九不離十。有一次，他看見一位樂師休息的時候拿出一根黑黑的管子來吹奏，音色和他聽過的所有中國樂器都不同。他就問那叔叔是什麼樂器？那叔叔告訴他，這是“黑管”，是洋人的樂器。他就問粵曲里用嗎？叔叔說也用，但用得相對要少些。叔叔有心賣弄，為阿文演奏了幾段樂曲。“黑管”的高音清晰明亮，低音卻又渾圓豐滿，使阿文深深着迷，就向父親提出來要學習吹奏“黑管”。父親說他年紀還小，學習吹奏單簧管會有些困難，先給他買了一支“牧童笛”作為學習西洋管樂器的入門。阿文很用心的學習，很快就掌握了吹奏牧童笛的技巧，悠揚的笛聲經常從阿文的家飄送到四鄰。

阿文十三歲那年，父親出航回來給阿文帶了一支單簧管作為他的生日禮物，並且托舅公為他找了一位老師。經過幾年的學習，阿文已經能夠加入到舅公那一幫戲行前輩之中，和他們一起玩音樂。舅公這一個組合的“根據地”轉移到姑姑家之後，阿文就主動承擔起準備茶水，收拾場地的工作。前輩們在這個舒適的環境裡，吹，拉，彈，唱，使出渾身解數，把他們各自的長處發揮得淋漓盡致，阿文從他們身上學習了不少粵曲演奏和演唱的寶貴經驗。阿文的祖母和姑姑有時會到樓下來欣賞這些演奏.有時祖母陪着姑姑在二樓刺繡，就以那忽遠忽近的樂聲作為背景音樂。阿文的祖母有了很明顯的改變，臉上經常流露出滿足自在的表情。街坊鄰居都說奶奶返老還童，越活越年輕。阿文知道，這都是姑姑的功勞。

路邊忽然傳來一陣柔美的女聲合唱：莎莉南蒂，親愛的姑娘，妳為什麼兩眼淚汪汪？親愛的爸爸，親愛的媽媽，是那灰塵吹進了我的眼......

阿文想:灰塵吹進了眼，真是一個很普遍的藉口。卻不知姑姑遇到了什麼事?
這時，經營一家電器維修店的“印尼仔”向阿文打了個招呼。阿文向他道了好就繼續朝前走。那歌聲就是從“印尼仔”的店鋪里傳出來。“印尼仔”並不是印尼人，他是印尼華僑。當年他的父母受到祖國的感召，把他送回祖國讀書，前些年他卻和表哥一起偷渡到了香港。原來是想通過香港作為跳板返回印尼，沒想到印尼對於他們這些曾經離開印尼返回大陸的人深懷戒懼，連探親旅遊的申請都不批，回家團聚更不用提。他和表哥就此滯留在香港。幸好家裡經濟情況還不錯，“印尼仔”又有電器維修的技術和興趣，就用家裡的錢租了一間屋子，前鋪後居.他和表哥住後進,門臉用來承接安裝,維修電器的活。“印尼仔”工作的時候經常播放一些印尼歌曲，空閒的時候又會坐在店鋪門前，拿一把吉他自彈自唱。街坊們因此接觸了不少印尼民歌。什麼“星星索”，“梭羅河”，“划船歌”，“哎喲媽媽”等等，街上的年輕人和小孩個個都能哼上兩句。