阿文一路行一路回忆往事,喺一个街角几乎畀架胶轆木头车撞親.好彩推车个人出力監生停住架車,故此冇撞到,彼此都吓咗一跳.阿文擔高头一睇,原来係熟人.
呢個人陰陰嘴笑住問: "阿文,諗緊乜嘢呀，諗緊女仔哩?"
阿文红住塊面應佢:"係...唔係. 唉!明哥唔好玩我啦,我係諗緊嘢,不过唔係你講嗰啲嘢."
呢個人外号"蛇仔明",佢喺"水务局"度有份工做緊.同時又係一个"走鬼"小贩.

香港嘅小贩分"有牌"同"冇牌"两大类,"有牌小贩"就係喺政府嘅"小贩管理处"登记咗,备咗案,领取咗营业执照,喺指定范围营业嘅小商贩。"无牌小贩"就係冇领取营业执照嘅小贩,佢哋冇固定嘅经营点,基本上都係流动賣货.呢类流动小贩唔净只庙街独有,香港本岛,九龙半岛以致新界都有佢哋嘅身影.佢哋或者出没喺戲院嘅大门口,亦都會喺商场外面人行道擺檔.平心而论,佢哋的确为广大市民提供咗唔少价格相对低廉嘅生活用品同食品。不过亦都為市民嘅日常生活带来某啲负面影响.譬如佢哋喺闹市嘅人行道賣货,货摊同顾客就会阻窄條人行道.路人就要行落馬路,造成一定程度嘅危险。尤其是嗰啲熟食摊档,木头车上面有火炉,有滾水,对行人亦係一种威胁。故此,政府设有一个专门嘅机构负责清理呢啲无照经营嘅小贩,呢个机构個名係"小贩管理队"。佢哋会唔定期,唔定点咁去拉啲"无牌小贩"。"无牌小贩"俾人拉咗，除咗啲生财工具被沒收之外,仲会被判交罚款。凡係有"小贩管理队"喺一笪地方拉人,其他"无牌小贩"就会互相提水,大嗌"走鬼呀!".久而久之,"走鬼"呢兩個字竟然成為"无牌小贩"嘅代称.

"蛇仔明"有一份令人艳羡嘅"皇家工",有固定收入.由于职位低,薪水唔算高,故此放工之後，挨晚時分就会推住架胶轆木头车"走鬼"卖时令食物.所谓时令食物其实不过得以下几种:天冷卖"生炒糯米饭","碗仔翅"同"蛇羹",天熱就卖各色糖水.阿文見佢今晚所卖嘅係"木瓜雪耳"同"绿豆沙"两样.讲真嗰句,"蛇仔明"嘅糖水都幾好味嘅,加上价钱唔贵,所以都有唔少人捧场。至于天時冷售卖嘅"蛇羹"同"碗仔翅"就绝对係"挂羊头卖狗肉"啦.嗰两样嘢嘅味道都過得去咖,只不過係冇蛇肉同埋鱼翅。当然,大家都知道,使三兩個錢就想食到蛇肉同鱼翅无疑係天方夜谭,因此亦都冇人認真計较.

照計呢个"蛇仔明"日頭一份正職,夜晚一份副业,又冇家庭负担,一支公喫饱全家唔饿,日子应该过得好疏肝.點不知佢周身唔掂,日日嗌穷.究其根源,两个字:爛赌!

"蛇仔明"赌澳门狗,赌香港马,麻将,牌九无所不好.偶然間"过大海"到澳门赌唔在講,有时仲要幫襯下 "大档".常言道"十赌九输",只不過"赌仔"个个都唔信邪，佢哋寧願信“终须有日龙穿凤,唔通日日褲穿窿”。成日望"时来运到"嗰一日。

阿文知道"蛇仔明"嘅嗜好,随口问咗一句:"明哥呢一 輪狗马亨通吗?"
只要係涉及赌嘅话题,"蛇仔明"都会精神奕奕,口水花噴噴.呢一日就有啲反常,佢冇釐神氣咁話:"嚡! 唔好提啦。前一排頭頭碰着黑。买独赢跑位置，买位置跑脱脚。买細开大，买大开細。左一巴，右一巴，输到我頭擰擰。”
阿文一听唔对路，諗住转移话题或者直頭較腳。
點知“蛇仔明”忽然间话锋一转：“好彩天无绝人之路，上个禮拜六，老鼠仔醒咗壇堅料俾我，卒之赢返场冷马。”
"咁嘅話岂不是大丰收咯?"
"衰在前一排输得勁哩,冇乜子弹,若不然就真係乜仇都報番晒啦!"

"老鼠仔"曾经喺某个练马师手下做过"马夫",手脚麻利又肯食脑.工作中学咗唔少"相马"同操练嘅知识.某个偶然嘅机会,佢结识咗一个好鍾意赌马嘅老板,就做咗呢个老板嘅"马仔",利用佢喺马圈嘅人際关系,幫佢老細四圍攞料.呢个"老鼠仔"同"蛇仔明"有多少亲戚关系,早幾年落魄嘅时候"蛇仔明"亦關照過佢.故此佢有时候会偷偷彈啲碎料俾"蛇仔明".凡係"老鼠仔"彈俾佢嘅料,"蛇仔明"都信到十足,皆因呢啲料都帮"蛇仔明"赢过下钱.即使係衰咗"蛇仔明"都唔會灰心.佢成日話: 贴士若然次次都灵,咁仲使做咩?

虽然明知"蛇仔明"呢停赌仔"三更穷,五更富"嘅幻想大多数都係衰收尾，阿文聽見佢話喺马场有所斩获都真心戥佢高兴。正想話對"蛇仔明"講返几句贺下佢,.點知"蛇仔明"塊面忽然間轉晒色，慌慌失咁望住阿文嘅背后,失驚冇神將佢架木头车一个 180 度大回旋,向住先頭嚟嘅路退返去,留低一串渐渐减弱嘅說話:"阿文下次再傾,係咁先."

阿文車轉身一睇,先至知道點解"蛇仔明“冇鞋拎屐走”.原来係“牛精洪”带住几个马仔大步流星咁向呢边行緊过来。呢个"牛精洪"係庙街一个字頭嘅小头目,专门负责放貴利同收數。
"牛精洪"行埋阿文身边,先行整咗一句: "呢個契弟,算佢好彩,下次见到打跛佢對腳先。"
跟住就问阿文:"阿文,收工啦?"
"係呀洪哥,我啱啱收工."阿文应咗佢“乜蛇仔明又差落好多數咩?”
"数就唔係大,衰在佢上个禮拜赢咗马都唔主动还钱,正一扑街冚家鏟!”
阿文話:“洪哥真係消息灵通.”
“蛇仔明份人,赢咗少少就通街唱話佢有独家贴士,成条街有邊個唔知呀.”
“话時話啦,洪哥,佢唔还钱,你咪赚多啲息啫?”
“我驚佢下次连老婆本都输清光,我點同老大交待喎？”
阿文知道“牛精洪”呢幾句說话係講畀佢啲马仔听,笑一笑冇搭嗲.
“牛精洪”拍下阿文嘅肩膀问:“今晚红姐返嚟庙街开 patty ,你哋曲艺团仲开唔开档呀?”
阿文話:“梗係要开啦,红姐就話上咗岸啫,我哋仲喺個海度浮浮下噃.”
“阿文你真識講笑.邊個唔知你哋呢帮人係赚钱买花戴呀.”“牛精洪”笑住話，
“好啦,我仲有事,行先啦.”講完就帶住几个馬仔行咗去.
阿文对住佢嘅背影講咗声:"洪哥慢行."

呢个"牛精洪"係典型嘅庙街"地胆",自細就跟住佢個阿叔行古惑。有一次帮会打斗,佢为咗掩护自己嘅大佬撤退,俾人劈低之后仲死抱住对方隻脚,挨多咗几刀。事后大佬对佢自然大为赞賞。“牛精洪”虽然得個小学毕业，但係佢对数字有特别敏锐的触觉。于是老大要佢帶住几條靚放數收數."牛精洪"生得牛高馬大,黑黑實實,唔知根兜嘅人都以为佢係一个大老粗.其实佢係一个粗中有细,进退有序嘅精明人.佢对庙街大大細細嘅商户同埋啲“潜在客户”嘅经济状况都好清楚,放数嘅额度把握得好准。佢將問佢借贷嘅人分成不同嘅类别，借贷嘅利息亦都各有不同。如果係商贩拆借，佢会收取较低嘅利息。至于一般冇固定收入啲“蛊惑仔”借贷，收嘅利息相对就要高啲，有時仲要有人擔保。因为呢啲“蛊惑仔”話唔埋边一日會玩失踪，风险會大啲。不过，同某啲“大耳窿”嗰种“九出十三归”嘅借贷方式比起来，“牛精洪”算得上係“大善人”啦。“九出十三归”嘅意思係，借款人将要为借贷嘅数额支付 30 % 嘅利息。譬如話，你要同“大耳窿”借 1,000 文，还款期到咗就要还 1,300 文。不過，你借款当日到手嘅实际金额只得個 900 文。按照“大耳窿”嘅講法，嗰 100 文係“无抵押借贷”嘅风险金同埋手续费。“牛精洪”定嘅息口相对有吸引力，佢催數嘅手段同其他行家比起嚟亦算客气。虽然有時佢亦會对一啲拖欠帐款嘅人出言恫吓,但係佢从来唔會將债户逼到绝路。故此需要资金周转嘅人都傾向問佢借債。自从佢负责字頭嘅放數业务以来，成绩都算係蒸蒸日上，而且基本上冇爛账。所以老大对佢好满意,亦俾咗佢更大嘅权限.

"牛精洪"提到开档,阿文好自然咁又諗起咗苏师奶,佢个姑姐。如果唔係姑姐大力拍和,佢哋呢个曲艺团未必会成立。“牛精洪”話佢哋呢帮人“赚钱买花戴”呢句說话都有几分道理。相对于喺庙街摆檔卖唱嘅其它“曲艺团”，佢哋成立呢个曲艺团嘅初衷的確唔係为咗賺錢.

"庙街"喺香港旅游發展局嘅宣传资料度被列為一个旅游点，被作为"poor people‘s night club"介绍俾外国游客.“庙街”係九龙油麻地嘅一条街道，但係作为“平民夜总会”嘅“庙街”涵盖嘅范围绝對唔止嗰条唔算太长嘅街道。除咗宝灵街同佐顿道南边一段“庙街”冇灯光夜市之外，每到华灯初上，佐顿道北边一段庙街全部係一个接一个嘅摊位。亦即係話，由佐顿道嘅北面开始，中间仲要穿过“加士居道”，一直到“熙龙里”，有為數眾多嘅大牌檔同埋售卖各式小商品嘅灯光夜市。喺呢度，你可以买到男性服装、针织服装、恤衫、牛仔裤、钢笔、手表、录音带、录影带，电子产品、玩具、旅行袋。你亦可以买到手工艺品、茶具、玉器、古董、以至成人用品等等等等。“庙街”最有特色嘅係天后庙前嘅“榕树头”。除咗各式各樣嘅檔摊，呢度仲有俗称“照田鸡”嘅占卦算命，有踎喺树头嘅講古佬，有唔同类型嘅“曲艺团”表演不同嘅节目。由阿文個舅公“扯头缆”成立嘅曲艺团就是其中一个演出单位。

官话版

阿文边走边回忆往事,在一个小街的拐角几乎被一辆胶轮木头车撞倒.幸亏推车的人使劲把车生生停住,才没有撞上,但彼此都吓了一跳.阿文抬头一看,原来是熟人.
这人一脸坏笑地问: "阿文,想什么呢?在想女孩子吗?"
阿文红着脸说:"是...不是. 唉!明哥不要玩我啦,我是在想事情,不过不是你说的事."
这人外号"蛇仔明",他在"水务局"工作.也是一个"走鬼"小贩.

香港的小贩分"有牌"和"无牌"两大类,"有牌小贩"就是在政府的"小贩管理处"登了记,备了案,领取了营业执照,在指定范围营业的小商贩."无牌小贩"就是没有领取营业执照的小贩,他们没有固定的经营点,基本上都是流动售货.这类流动小贩并非庙街独有,香港本岛,九龙半岛以致新界都有他们的身影.他们或出没在电影院的大门口,也会在商场外的人行道上摆卖.平心而论,他们的确为广大市民提供了不少价格相对低廉的生活用品和食品.不过也给市民的日常生活带来某些负面的影响.譬如他们在闹市的人行道售货,货摊以及顾客就会挤占了人行道.路人就要走到车道上去,造成一定程度的危险.尤其是那些熟食摊档,木头车上有炉子,热汤水,对行人也是一种威胁.因此,政府设有一个专门的机构负责清理这些无照经营的小贩,这个机构的名称是"小贩管理队".他们会不定期,不定点地抓捕"无牌小贩",被抓到的"无牌小贩"除了生财工具被收缴之外,还会被判交罚款.每当"小贩管理队"在某处执勤,其他"无牌小贩"就会互相示警,大叫"走鬼呀!".久而久之,这"走鬼"二字竟成了"无牌小贩"的代称.

"蛇仔明"有一份令人艳羡的"皇家工",有固定收入.但由于职位低,薪水不算高,因此下班以后，傍晚时分就会推着一辆胶轮木头车"走鬼"卖时令食物.所谓时令食物其实也不过以下几种:冬天卖"生炒糯米饭","碗仔翅"和"蛇羹",夏天就卖各色糖水.阿文看到他今天所卖的是"木瓜雪耳"和"绿豆沙"两样.说真的,"蛇仔明"的糖水是有一定的水平,加上价钱不贵,所以有不少的捧场客.至于冬季售卖的"蛇羹"和"碗仔翅"则绝对是"挂羊头卖狗肉".那两样食品的味道还是蛮好的,偏偏就是没有蛇肉和鱼翅.当然,大家都知道,花两个小钱就想吃到蛇肉和鱼翅无疑是天方夜谭,因此也不会有人较真.

按理说,这个"蛇仔明"白天一份正业,晚上一份副业,又没有家庭负担,一个人吃饱全家不饿,小日子应该过得很滋润.可他却是寅吃卯粮,天天叫穷.究其根源,两个字:好赌!

"蛇仔明"赌澳门的狗,赌香港的马,麻将,牌九无所不好.偶尔"过大海"到澳门赌不说,有时还光顾香港的地下赌场 - "大档".常言道"十赌九输",但"赌仔"个个都不信邪.他们信奉的是“终须有日龙穿凤,唔通日日褲穿窿”，总是寄希望于"时来运到"的那一天.

阿文知道"蛇仔明"的嗜好,随口问了一句:"明哥这一阵狗马亨通吗?"
只要涉及赌的话题,"蛇仔明"都会精神奕奕,口沫横飞.这天却有点反常,他没精打采地说:"嗨! 别提了。前一阵事事不顺。买独赢跑位置，买位置跑脱脚。买小开大，买大开小。左一巴掌，右一巴掌，输得我晕头转向。”
阿文一听不对头，准备转移话题或者直接开溜。
不料“蛇仔明”忽然间话锋一转：“幸亏天无绝人之路，上个星期六，老鼠仔给我提供了内幕消息，终于叫我赢了一场冷门马。”
"那岂不是大丰收咯?"
"可惜前一阵子输得太多,没有子弹,要不然可真要一飞冲天了!"

"老鼠仔"曾经在某个练马师手下当过"马夫",手脚麻利也肯动脑筋.工作中学了不少"相马"和操练的知识.某个偶然的机会,结识了一个爱赌马的老板,就当了这个老板的"马仔",利用他在赛马圈子里的人脉关系,为他的老板四处打探消息.这个"老鼠仔"跟"蛇仔明"有点亲戚关系,早些年落魄的时候"蛇仔明"也曾经帮过他的忙.因此他有时候会偷偷给"蛇仔明"提供一些小道消息.对于"老鼠仔"提供的信息,"蛇仔明"深信不疑,因为这些小道消息帮助"蛇仔明"赢过些钱.即使落败"蛇仔明"也不灰心.他常说: 贴士若是每次都灵光,那还用干活吗?

虽然知道"蛇仔明"这类赌仔"三更穷,五更富"的幻想最后大多数还是以幻灭告终,但阿文还是真心为他高兴能在马场有所斩获,正要对"蛇仔明"说上几句道贺的话,.却见"蛇仔明"脸色一变，神色慌张地望着阿文的背后,猛然间把他的木头车来一个 180 度大回转,向着来时的路退回去,只留下一串渐渐减弱的话语:"阿文下次再聊,先这样吧."

阿文回过身一看,这才知道"蛇仔明"为什么望风而逃.原来是"牛精洪"带着几个马仔大步流星地向这边走过来.这个"牛精洪"是庙街一个帮会的小头目,专门负责放高利贷和收账.
"牛精洪"走到阿文的身边,先骂了一句: "这个兔崽子,算他走运,下次见面先把他的狗腿打断."
接着就问阿文:"阿文,收工啦?"
"是的洪哥,我刚收工."阿文回应他，"蛇仔明又欠了很多账吗?"
"数目倒是不大,可气的是上星期他赢了马也不主动还钱,真他妈的王八蛋!"
阿文说:"洪哥真是消息灵通."
"蛇仔明这人,赢了点小钱就到处吹他有独家贴士,这条街有谁不知道."
"话说回来,洪哥,他不还钱,你不是能多赚利息吗?"
"我怕他下次连老婆本都输清光,我可没法向老大交待."
阿文知道"牛精洪"这些场面话是说给他的马仔听,笑一笑没搭腔.
"牛精洪"拍一下阿文的肩膀问:"今天晚上红姐回来庙街开派对,你们曲艺团还开档吗?"
阿文说:"当然要开,红姐已经上了岸,我们还在海里漂着呢."
“阿文你真会说笑.谁不知道你们这帮人是赚钱买花戴的主呀.”"牛精洪"笑着说:"好了,我还有事,要走了."说完就领着几个小弟扬长而去.
阿文对着他的背影说了一声:"洪哥走好."

这个"牛精洪"是典型的庙街"地胆",从小就跟着他的叔叔混江湖.在一次帮会斗殴中,他为了掩护自己的老大撤退,中刀摔倒之后还死死地抱住对方的脚,多挨了对方几刀.事后老大对他自然大为赞许。“牛精洪”虽然只是小学毕业，但对数字有特别敏锐的触觉。于是老大让他领着几个小弟放账收账."牛精洪"长得五大三粗,皮肤黝黑,不熟悉的人都以为他是一个莽汉.其实他是一个粗中有细,进退有序的精明人.他对庙街的大大小小商户和"潜在客户"的经济状况都很清楚,放账的数额拿捏得很准.他把向他借贷的人分成不同的类别，借贷的利息也各有不同。如果是商贩拆借，他会收取较低的利息。至于一般没有固定收入的“蛊惑仔”借贷，收取的利息相对就要高一些，因为这些“蛊惑仔”说不定哪一天失踪，风险要大一些。不过，和某些“大耳窿”那种“九出十三归”的借贷方式比起来，“牛精洪”算得上是“大善人”了。“九出十三归”的意思是，借款人将要为借贷的数额支付 30 % 的利息。譬如说，你要向“大耳窿”借 1,000 元，还款期到了就要还 1,300 元。但是，你借款当天到手的实际金额却只有 900 元。按照“大耳窿“的说法，那100 元是“无抵押借贷”的风险金和手续费。“牛精洪”定的利息相对有吸引力，他的催账手段也还算客气.虽然对于某些拖欠帐款的人他也会出言恫吓,但从来不会把债户逼到绝路.因此那些需要资金周转的人都乐于向他借账.自从他负责帮会的放账业务以来，成绩可算是蒸蒸日上，而且基本上没有死账,所以老大对他很满意,也给了他更大的权限.

"牛精洪"提到开档,阿文很自然地又想起了苏师奶,他的姑姑.如果不是姑姑的大力推动,他们这个曲艺团未必会成立."牛精洪"说他们这帮人“赚钱买花戴”这话也有几分道理。相对于在庙街摆摊卖唱的其他“曲艺团”，他们成立这个曲艺团的初衷的确不是为了牟利.

"庙街"在香港旅游局的宣传资料上被列作一个旅游点，它被作为"poor people night club"介绍给外国游客.“庙街”是九龙油麻地的一条街道，但是作为“平民夜总会”的“庙街”涵盖的范围绝不仅限于那条不算太长的街道。除了宝灵街与佐顿道南边一小段“庙街”没有灯光夜市之外。每到华灯初上，佐顿道北边一段庙街全都是一个接一个的摊位。也就是说，从佐顿道的北侧开始，中间还要穿过“加士居道”，一直到“熙龙里”，有为数众多的大牌档和售卖各式小商品的灯光夜市。在这里，你可以买到男性服装、针织服装、汗衫、牛仔裤、钢笔、手表、录音带、录像带，电子产品、玩具、旅行袋。你也可以买到手工艺品、茶具、玉器、古董、以至成人用品等等等等。“庙街”最有特色的是天后庙前的“榕树头”。除了各类售货摊子，这里还有俗称“照田鸡”的占卜算卦摊子，有半蹲在树头的说书人，有不同类型的“曲艺团”表演不同的节目。由阿文的舅公“扯头缆”成立的曲艺团就是其中一个演出单位。